ജില്ലയിലെ പര്യടനം സമാപിച്ചു യൂത്ത്മാര്‍ച്ചിന് ചാലക്കുടിയില്‍ ആവേശോജ്വല സ്വീകരണം
ജാതിരഹിത സമൂഹം, മതിരപേക്ഷ കേരളം എന്ന മുദ്രാവാക്യമുയര്‍ത്തി ഡിവൈഎഫ്ഐ
സംസ്ഥാന സെക്രട്ടറി ടി വി രാജേഷും പ്രസിഡന്റ് എം സ്വരാജും നയിക്കുന്ന
യൂത്ത്മാര്‍ച്ചിന് ചാലക്കുടിയില്‍ മൂന്ന് കേന്ദ്രത്തില്‍ ആവേശകരമായ
സ്വീകരണം. വാദ്യമേളങ്ങളും മുത്തുക്കുടകളുമായി അണിനിരന്ന് ആവേശം അലതല്ലിയ
ജാഥയെ നഗരാതിര്‍ത്തിയായ നാടുകുന്നില്‍ സംഘാടക സമിതി ഭാരവാഹികളായ ബി ഡി
ദേവസി എംഎല്‍എ, സിപിഐഎം ഏരിയ സെക്രട്ടറി അഡ്വ. പി കെ ഗിരിജാ വല്ലഭന്‍,
കൊടുങ്ങല്ലൂര്‍, മാള ഏരിയസെക്രട്ടറിമാരായ പി കെ ചന്ദ്രശേഖരന്‍, എം രാജേഷ,്
ബ്ലോക്ക് ഭാരവാഹികളായ ഇ എ ജയതിലകന്‍, പി എസ് സന്തോഷ്
എന്നിവര്‍ചേര്‍ന്ന്സ്വീകരിച്ചു.
ആദ്യ സ്വീകരണ കേന്ദ്രമായ പോട്ടയില്‍ പൗലോസ്മാര്‍ പൗലോസ് നഗറില്‍ നടന്ന
പൊതുയോഗത്തില്‍ നഗരസഭ പ്രതിപക്ഷനേതാവ് പി എം ശ്രീധരന്‍ അധ്യക്ഷനായി.
രക്തസാക്ഷി മാഹിന്റെ പിതാവ് ഷാഹുല്‍ ഹമീദ്, ഭാര്യ ജിന്‍ഷ എന്നിവരും ജാഥയെ
സ്വീകരിക്കാനെത്തിയിരുന്നു.
ചാലക്കുടി നഗരത്തില്‍ ആനമല ജങ്ഷനില്‍ നിന്നും ജാഥയെ വന്‍ സ്വീകരണത്തോടെ
പരിയാരം കര്‍ഷക സമരനഗറിലേക്ക് ആനയിച്ചു. സൗത്ത് ജങ്ഷനില്‍ നടന്ന
പൊതുയോഗത്തില്‍ ഏരിയസെക്രട്ടറി അഡ്വ. പി കെ ഗിരിജാവല്ലഭന്‍ അധ്യക്ഷനായി. ബി
ഡി ദേവസി എംഎല്‍എ, കൊടുങ്ങല്ലൂര്‍ ഏരിയസെക്രട്ടറി പി കെ ചന്ദ്രശേഖരന്‍,
മഹിളാ അസോസിയേഷന്‍ ജില്ലാ പ്രസിഡന്റ് അഡ്വ. കെ ആര്‍ വിജയ, ഇ എ ജയതിലകന്‍,
പി എസ്സന്തോഷ് എന്നിവര്‍ സംസാരിച്ചു. വിവിധ സംഘടനകളുടെ നേതൃത്വത്തില്‍ ജാഥാ
ക്യാപ്റ്റനെ ഹാരാര്‍പ്പണംനടത്തി.
രക്തസാക്ഷി കലണ്ടര്‍ ജില്ലാ സെക്രട്ടറി സി സുമേഷിന് നല്‍കി
ജാഥാക്യാപ്റ്റന്‍ ടി വി രാജേഷ് പ്രകാശനം ചെയ്തു. യൂത്ത് മാര്ച്ച്
സപ്ലിമെന്റ് ബി ഡി ദേവസി എംഎല്‍എക്ക് നല്‍കി ജാഥാ ക്യാപ്റ്റന്‍ പ്രകാശനം
ചെയ്തു.
കൊരട്ടിയില്‍ സംഘാടകസമിതി നേതൃത്വത്തില്‍ വന്‍വരവേല്‍പ്പ് നല്‍കി. കൊരട്ടി
സര്‍ദാര്‍ ഗോപാലകൃഷ്ണന്‍ നഗറില്‍ നടന്ന പൊതുയോഗത്തില്‍ ബി ഡി ദേവസി എംഎല്‍എ
അധ്യക്ഷനായി. ടി വി രാജേഷ് ജിനുമാത്യു, സുനില്‍കുമാര്‍, എ എ ബിജു
എന്നിവര്‍ സംസാരിച്ചു. തുടര്‍ന്ന് ജാഥ എറണാകുളം ജില്ലയിലേക്ക് പ്രവേശിച്ചു.
പോസ്റ്റുകള്
0 comments: