ഡിവൈഎഫ്ഐ യൂത്ത് മാര്ച്ച് ഇന്ന് ആലപ്പുഴ ജില്ലയില്‍
"ജാതിരഹിത സമൂഹം, മതനിരപേക്ഷ കേരളം" എന്ന മുദ്രാവാക്യമുയര്‍ത്തി ഡിവൈഎഫ്ഐ
സംസ്ഥാന പ്രസിഡന്റ് എം സ്വരാജും സെക്രട്ടറി ടി വി രാജേഷ് എംഎല്‍എയും
നയിക്കുന്ന സംസ്ഥാന യൂത്ത് മാര്ച്ച് ചൊവ്വ, ബുധന്‍ ദിവസങ്ങളില്‍
ജില്ലയില്‍ പര്യടനം നടത്തും.
പകല്‍ 10.30ന് ജില്ലാ അതിര്‍ത്തിയായ പരുമലക്കടവില്‍നിന്ന് മാര്‍ച്ചിനെ
വരവേല്‍ക്കും. കലാരൂപങ്ങള്‍, വാദ്യമേളം എന്നിവയുടെ അകമ്പടിയോടെ 2000
യുവതീയുവാക്കളും ബഹുജനങ്ങളും അനുധാവനം ചെയ്ത് പൊതുസമ്മേളനസ്ഥലമായ
സ്റ്റോര്‍മുക്കിലേക്ക് ആനയിക്കും.
ശ്രീനാരായണഗുരുവിന്റെ നാമധേയത്തിലുള്ള നഗറിലാണ് സമ്മേളനം. ഉച്ചയ്ക്കുശേഷം
മാര്ച്ച് മാവേലിക്കരയില്‍ സമാപിക്കും. അയ്യങ്കാളിയുടെ പേരിലാണ് ഇവിടെ
സമ്മേളനവേദി ഒരുക്കിയിരിക്കുന്നത്.
30ന് രാവിലെ ഒമ്പതിന് മാവേലിക്കരയില്‍നിന്നും പര്യടനം ആരംഭിച്ച് 10.30ന്
ചെട്ടികുളങ്ങരയില്‍ ടി കെ മാധവന്‍ നഗറില്‍ സ്വീകരണസമ്മേളനം ചേരും. പകല്‍
രണ്ടിന് കായംകുളം ടൗണില്‍ വക്കം മൗലവി നഗറില്‍ ജില്ലയിലെ സമാപനസമ്മേളനം
ചേരും. തുടര്‍ന്ന് ഓച്ചിറ വഴി കൊല്ലം ജില്ലയിലേക്കു പ്രവേശിക്കും. യൂത്ത്
മാര്ച്ച് ചരിത്രസംഭവമാക്കാന്‍ ഡിവൈഎഫ്ഐ ജില്ലാ പ്രസിഡന്റ് ബി അബിന്‍ഷായും
സെക്രട്ടറി വി സോജകുമാറും അഭ്യര്‍ഥിച്ചു.
പോസ്റ്റുകള്
0 comments: