യൂത്ത് മാര്ച്ച് തൃശൂരില്
മതനിരപേക്ഷ കേരളം പുനഃസൃഷ്ടിക്കുക എന്ന മഹാദൗത്യത്തിന്റെ സന്ദേശവുമായി
ഡിവൈഎഫ്ഐ നയിക്കുന്ന യൂത്ത്മാര്ച്ച് ശനിയാഴ്ച തൃശൂര് ജില്ലയില്
പ്രവേശിച്ചു. ശനിയാഴ്ച രാവിലെ 9.30ന് ജില്ലാ അതിര്ത്തിയായ ചെറുതുരുത്തി
പാലത്തില് സിപിഐ എം ജില്ലാ സെക്രട്ടറി എ സി മൊയ്തീന്റെ നേതൃത്വത്തില്
ജാഥയെ വരവേറ്റു. ചെറുതുരുത്തിയിലെ വള്ളത്തോള് നാരായണമേനോന്നഗറില് ആദ്യ
സ്വീകരണ പൊതുയോഗം ചേര്ന്നു.ജാതിരഹിതസമൂഹം, മതനിരപേക്ഷ കേരളം&ൃറൂൗീ;
എന്ന മുദ്രാവാക്യമുയര്ത്തി ഡിവൈഎഫ്ഐ സംസ്ഥാന സെക്രട്ടറി ടി വി രാജേഷും
പ്രസിഡന്റ് എം സ്വരാജും നേതൃത്വം നല്കുന്ന സംസ്ഥാന യൂത്ത് മാര്ച്ച് 19,
20, 21, 22 തീയതികളിലാണ് ജില്ലയില് പര്യടനം നടത്തുന്നത്.
പകല് 12ന്് മുള്ളൂര്ക്കരയില് മുഹമ്മദ് അബ്ദുള്റഹ്മാന് സാഹിബ്
നഗറിലാണ് രണ്ടാം സ്വീകരണം. വൈകിട്ട് അഞ്ചിന് വടക്കാഞ്ചേരിയിലെ പ്രേംജി
നഗറിലെ സ്വീകരണത്തോടെ ആദ്യദിവസത്തെ പര്യടനം സമാപിക്കും. 20ന്
വടക്കാഞ്ചേരിയില്നിന്ന് ആരംഭിക്കുന്ന മാര്ച്ച് അത്താണി, തിരൂര്,
വിയ്യൂര് എന്നിവിടങ്ങളിലെ സ്വീകരണത്തിനുശേഷം വൈകിട്ട് തെക്കേഗോപുരനടയില്
സമാപിക്കും. 21ന് രാവിലെ തൃശൂരില്നിന്നും ആരംഭിച്ച് ഒല്ലൂര്, പുതുക്കാട്
എന്നിവിടങ്ങളിലെ സ്വീകരണത്തിനുശേഷം വൈകിട്ട് കൊടകരയില് സമാപിക്കും. 22ന്
രാവിലെ കൊടകരയില്നിന്ന് ആരംഭിച്ച് ചാലക്കുടി, കൊരട്ടി എന്നിവിടങ്ങളിലെ
സ്വീകരണത്തിനുശേഷം എറണാകുളം ജില്ലയില് പ്രവേശിക്കും.
0 comments: